മാനഭംഗക്കേസ്; ബോളിവുഡ് നിർമ്മാതാവ് ജുഡീഷ്യൽ കസ്റ്റഡിയിൽ

മാനഭംഗക്കേസിൽ ബോളിവുഡ് നിർമാതാവ് കരിം മൊറാനി ജുഡീഷ്യൽ കസ്റ്റഡിയിൽ. 14 ദിവസത്തെ ജുഡീഷ്യൽ കസ്റ്റഡിയിലാണ് ഇയാളെ മാറ്റിയത്. ഹൈദരാബാദ് ഹൈക്കോടതിക്കു പിന്നാലെ സുപ്രീം കോടതിയും മുൻകൂർ ജാമ്യാപേക്ഷ തള്ളിയതിനാലാണ് വെള്ളിയാഴ്ച രാത്രിയിൽ കരിം മൊറാനി പോലീസിൽ കീഴടങ്ങിയത്.

ഡൽഹി സ്വദേശിയായ യുവതിയെ സിനിമയിൽ അവസരം നൽകാമെന്ന് വാഗ്ദാനം നൽകി നിരന്തരമായി പീഡിപ്പിച്ചെന്ന കേസിലാണ് അറസ്റ്റ്. ഷാരൂഖ് ഖാൻ അഭിനയിച്ച ചെന്നൈ എക്‌സ്പ്രസിന്റെ നിർമാതാവാണ് കരിം മൊറാനി.