ബാങ്ക് ജീവനക്കാരിയെ കൊന്ന് ഓട്ടോ ഡ്രൈവർ ജീവനൊടുക്കി

കോട്ടയം പാലായിൽ 44കാരിയെ വെട്ടിക്കൊലപ്പെടുത്തിയ ശേഷം യുവാവ് ജീവനൊടുക്കി. കടപ്ലാമറ്റം കൂവെള്ളൂർക്കുന്ന് കോളനിയിൽ അറയ്ക്കൽകുന്നേൽ കുഞ്ഞുമോൾ മാത്യു (42)വിനെയാണ് കൊലപ്പെടുത്തിയത്. കടപ്ലാമറ്റം സഹകരണ ബാങ്ക് ജീവനക്കാരിയാണ് കുഞ്ഞുമോൾ. കഴുത്തിന് വേട്ടേറ്റ നിലയിലാണ് ഇവരുടെ മൃതദേഹം കണ്ടെത്തിയത്.

കുഞ്ഞുമോളെ വെട്ടിക്കൊലപ്പെടുത്തിയെന്ന് സംശയിക്കുന്ന ഓട്ടോഡ്രൈവർ സിബി മുഞ്ഞനാട്ടി(44)നെ ആത്മഹത്യ ചെയ്ത നിലയിലും കണ്ടെത്തി. കൈഞരമ്പ് മുറിച്ചാണ് ഇയാൾ ജീവനൊടുക്കിയത്.

കിടങ്ങൂർ പോലീസ് സ്ഥലത്തെത്തി പരിശോധന നടത്തിയതിന് ശേഷം ഇരുവരുടെയും മൃതദേഹങ്ങൾ കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി.