കിം ജോങ് നാം വധത്തില്‍ പങ്കില്ലെന്ന് പിടിയിലായ വനിതകള്‍

ഉത്തരകൊറിയന്‍ ഏകാധിപതി കിംജോങ് ഉന്നിന്റെ അര്‍ദ്ധ സഹോദരനെ വധിച്ചിട്ടില്ലെന്ന് സംഭവത്തില്‍ പ്രതികളായ വനിതകള്‍. മലേഷ്യന്‍ കോടതിയില്‍ നടന്ന വിചാരണയിലാണ് യുവതികള്‍ ഇക്കാര്യം വ്യക്തമാക്കിയത്. ക്വാലാലംപൂര്‍ വിമാനത്താവളത്തില്‍ വച്ച് ഈ യുവതികള്‍ നാമിനെ വിഷം കുത്തിവച്ച് ഇവര്‍ കൊന്നുവെന്നാണ് കേസ്. ഇത് ശരിവയ്ക്കുന്ന തരത്തില്‍ സിസിടിവി ദൃശ്യങ്ങളും ലഭിച്ചിരുന്നു. എന്നാൽ കുറ്റക്കാരല്ലെന്നു പിടിയിലായ ഇന്തൊനീഷ്യൻ സ്വദേശി സിതി ആയിഷ , വിയറ്റ്നാം സ്വദേശി ഡോൺ തൈ ഹുവോങ് എന്നിവര്‍ വാദിച്ചു. എന്നാല്‍ കൊലപാതകത്തിനു പിന്നിൽ ഉത്തരകൊറിയൻ ഭരണകൂടമാണെന്നു മലേഷ്യ കണ്ടെത്തിയതായി ദക്ഷിണ കൊറിയ അവകാശപ്പെട്ടു.