അഡ്വ. സിപി ഉദയഭാനുവിനെതിരെ തെളിവായി സിസിടിവി ദൃശ്യങ്ങൾ

റിയൽ എസ്റ്റേറ്റ് ബ്രോക്കർ രാജീവിനെ കൊലപ്പെടുത്തിയ കേസിൽ അഡ്വ. സി.പി.ഉദയഭാനുവിനെതിരെ തെളിവായി വീഡിയോ ദൃശ്യങ്ങൾ. കൊല്ലപ്പെട്ട രാജീവിന്റെ വീട്ടിലെ സിസിടിവി ദൃശ്യങ്ങൾ പോലീസിന് ലഭിച്ചു. ഉദയഭാനു രാജീവിന്റെ വീട്ടിൽ പലതവണ ചെന്നതായി ദൃശ്യങ്ങൾ വ്യക്തക്കുന്നുണ്ടെന്നാണ് റിപ്പോർട്ടുകൾ. മറ്റുചില നിർണായക തെളിവുകളും പോലീസിന് ലഭിച്ചുവെന്നാണ് സൂചന. അതേസമയം ഉദയഭാനു ഹൈക്കോടതിയിൽ മുൻകൂർ ജാമ്യാപേക്ഷ നൽകി.

ചാലക്കുടിയിലെ രാജീവിന്റെ കൊലപാതകത്തിൽ താൻ നിരപരാധിയാണെന്നും സംഭവവുമായി ബന്ധമില്ലെന്നും പൊലീസ് പ്രതിയാക്കാൻ ശ്രമിക്കുന്നുവെന്നും മുൻകൂർ ജാമ്യാപേക്ഷയിൽ അദ്ദേഹം വ്യക്തമാക്കി.