രോഹിങ്ക്യകളെ അധിക്ഷേപിച്ചു; മിസ് മ്യാൻമാറിന്റെ സൗന്ദര്യപ്പട്ടം തിരിച്ചെടുത്തു

രോഹിങ്ക്യകളെ അധിക്ഷേപിക്കുന്ന വിഡിയോ പോസ്റ്റ് ചെയ്ത മിസ് മ്യാന്മാറിന്റെ സൗന്ദര്യപ്പട്ടം തിരിച്ചെടുത്തു. വർഗ്ഗീയ കലാപത്തിന് പ്രേരണല നൽകുന്നതാണ് വീഡിയോ എന്നാരോപിച്ചാണ് നടപടി സ്വീകരിച്ചിരിക്കുന്നതെന്നാണ് റിപ്പോർട്ട്. ഷ്വി ഐൻ സിയുടെ സൗന്ദര്യപ്പട്ടമാണ് തിരിച്ചെടുത്തത്.

എന്നാൽ വീഡിയോ പോസ്റ്റ് ചെയ്തതിന്റെ പേരിലാണ് സൗന്ദര്യപ്പട്ടം തിരിച്ചെടുത്തതെന്ന വാർത്ത മിസ് ഗ്രാൻഡ് മ്യാൻമാർ ഷ്വി ഐൻ സി നിഷേധിച്ചു.

അടിച്ചമർത്തപ്പെടുകയാണെന്ന കള്ളം മാധ്യമങ്ങളിലൂടെ പ്രചരിപ്പിച്ച് ലോകത്തെ വിശ്വിസിപ്പിക്കാൻ ശ്രമിക്കുകയാണ് റോഹിങ്ക്യൻ തീവ്രവാദികളെന്ന കുറിപ്പോടെ ഫേസ്ബുക്കിൽ വീഡിയോ പോസ്റ്റ് ചെയ്തതാണ് ഈ സുന്ദരിയ്ക്ക് വിനയായത്.