പ്രായപൂർത്തിയാകാത്ത പെൺകുട്ടിയുടെ അശ്ലീല വീഡിയോ ഫെയ്‌സ്ബുക്കിൽ പോസ്റ്റ് ചെയ്തു; മലയാളി സൗദി ജയിലിൽ

പ്രായപൂർത്തിയാകാത്ത പെൺകുട്ടിയുടെ അശ്ലീല വീഡിയോ ഫെയ്‌സ്ബുക്കിൽ പോസ്റ്റ് ചെയ്ത മലയാളി പിടിയിൽ. സൗദിയിലാണ് സംഭവം.

പ്രായപൂർത്തിയാകാത്ത കുട്ടിയുടെ അശ്ലീല വീഡിയോ അപ്ലോഡ് ചെയ്‌തെന്നതാണ് ഇയാൾക്കെതിരേ ചുമത്തിയിരിക്കുന്ന കുറ്റം. മൊബൈൽ ഫോണിൽ സ്വന്തം ഫെയ്‌സ്ബുക്ക് അക്കൗണ്ടിൽനിന്നുമാണ് വീഡിയോ പോസ്റ്റ് ചെയ്തിരിക്കുന്നതെന്ന് പോലീസ് കണ്ടെത്തിയിരുന്നു.

എന്നാൽ, ഇതു താൻ മനഃപൂർവം ചെയ്തതല്ലെന്നാണ് മലപ്പുറം കരുവാരക്കുണ്ട് സ്വദേശിയായ റിയാദ് മലസ് പറയുന്നത്. വീഡിയോ പോസ്റ്റ് ചെയ്യാൻ ഉപയോഗിച്ച ഫെയ്‌സ്ബുക്ക് ഐഡി, ഇന്റർനെറ്റ് കണക്ഷൻ, മൊബൈൽ ഫോൺ എന്നിവ വഴിയാണ് ഇയാളെ പോലീസ് പിടികൂടിയത്.

malayali held for uploading video of minor girl in saudi