ഇന്ത്യ ചൈന തർക്കം; നിർമ്മല സീതാരാമൻ ദോക്ലാം സന്ദർശിക്കും

ഇന്ത്യ ചൈന പ്രശ്‌നം വീണ്ടും രൂക്ഷമാകുന്നു. ദോക്ലാമിൽ ചൈനീസ് സൈന്യം വീണ്ടും റോഡ് നിർമ്മാണം ആരംഭിച്ച സാഹചര്യത്തിൽ പ്രതിരോധമന്ത്രി നിർമ്മല സീതാരാമൻ ദോക്ലാം സന്ദർശിക്കും.

ഇന്ത്യ ഭൂട്ടാൻ ചൈന അതിർത്തികൾ ഒന്നിക്കുന്ന മേഖലയിൽ പ്രതിരോധമന്ത്രി സന്ദർശനം നടത്തുമെന്ന് മന്ത്രിയുടെ ഓഫീസ് അറിയിച്ചു. സ്ഥലത്തെ സുരക്ഷാ ഉദ്യോഗസ്ഥരുമായി നിർമ്മല സീതാരാമൻ ചർച്ച നടത്തും. കരസേനാ ഉപമേധാവി ലഫ്.ജനറൽ ശരത് ചന്ദ് പ്രതിരോധമന്ത്രിയ്ക്ക് ഒപ്പമുണ്ടാകുമെന്നാണ് സൂചന.