കേരള കലാമണ്ഡലത്തിലെ വിദ്യാര്‍ത്ഥിനി ആത്മഹത്യയ്ക്ക് ശ്രമിച്ചു

കേരള കലാമണ്ഡലത്തിലെ വിദ്യാര്‍ത്ഥിനി തീകൊളുത്തി ആത്മഹത്യയ്ക്ക് ശ്രമിച്ചു.സാരമായി പരിക്കേറ്റ വിദ്യാര്‍ത്ഥിനി തൃശ്ശൂര്‍ മെഡിക്കല്‍ കോളേജില്‍ ചികിത്സയിലാണ്.  വനിതാ ഹോസ്റ്റലില്‍ വച്ചാണ് വിദ്യാര്‍ത്ഥിനി ആത്മഹത്യയ്ക്ക് ശ്രമിച്ചത്. ഇതുകണ്ട സഹപാഠികള്‍ ഹോസ്റ്റല്‍ അധികൃതരെ വിവരം അറിയിച്ചു. ഹോസ്റ്റല്‍ അധികൃതരാണ് വിദ്യാര്‍ത്ഥിനിയെ ആശുപത്രിയില്‍ എത്തിച്ചത്. ആത്മഹത്യാ ശ്രമത്തിന്റെ കാരണം വ്യക്തമല്ല. തീവ്രപരിചരണ വിഭാഗത്തില്‍ കഴിയുന്ന പെണ്‍കുട്ടിയുടെ മൊഴി എടുക്കാനുള്ള ശ്രമത്തിലാണ് പോലീസ്.