ആറ് വയസ്സുകാരിയെ അമ്മാവൻ പീഡിപ്പിച്ചു കൊന്ന് കിണറ്റിൽത്തള്ളി

തെലങ്കാനയ്ക്ക് സമീപം ആറ് വയസ്സുകാരിയെ പീഡിപ്പിച്ചു കൊലപ്പെടുത്തി കിണറ്റിൽ ഉപേക്ഷിച്ച നിലയിൽ കണ്ടെത്തി. സംഭവത്തിൽ കുട്ടിയുടെ അമ്മയുടെ സഹോദരനെ പോലീസ് അറസ്റ്റ് ചെയ്തു. തെലങ്കാന മൊഗ്ഡംപള്ളിയിലെ മന്നാപ്പൂർ ഗ്രാമത്തിലാണ് പെൺകുട്ടി പീഡനത്തിനിരയായതെന്ന് മുതിർന്ന ജില്ലാ പോലീസ് ഉദ്യോഗസ്ഥൻ വ്യക്തമാക്കി.

സ്‌കൂളിലേക്കുള്ള വഴിമധ്യേയാണ് പെൺകുട്ടി പീഡിപ്പിക്കപ്പെട്ടതെന്ന് പോലീസ് പറഞ്ഞു. ബുധനാഴ്ച ഉച്ചയ്ക്ക് ഭക്ഷണം കഴിക്കാനായി പെൺകുട്ടി സ്‌കൂളിൽ നിന്നും വീട്ടിലെത്തിയിരുന്നു. പിന്നീട് സ്‌കൂൾ സമയം കഴിഞ്ഞ് ഏറെ വൈകിയിട്ടും കുട്ടിയെ കാണാത്തത്തിനെ തുടർന്ന് വീട്ടുകാർ പോലീസിൽ വിവരമറിയിച്ചു.

കുട്ടിയെ പലതവണ പീഡിപ്പിച്ച ശേഷം അമ്മാവൻ കിണറിലേക്ക് വലിച്ചെറിയുകയായിരുന്നുവെന്ന് അമ്മാവൻ പോലീസിൽ മൊഴി നൽകി.