വനപാലകർക്ക് നേരെ നായാട്ടുകാരുടെ ആക്രമണം

കക്കയത്ത് നായാട്ടുകാരുടെ ആക്രമണത്തിൽ രണ്ട് വനപാലകർക്ക് പരിക്കേറ്റു. ഫോറസ്റ്റർ പ്രമോദ് കുമാർ, ഗാർഡ് ബാലകൃഷ്ണൻ എന്നിവർക്കാണ് പരിക്കേറ്റത്.

കക്കയം ഫോറസ്റ്റ് സ്‌റേഷന് സമീപം പുലർച്ചെയായിരുന്നു ആക്രമണം. വേട്ടയാടിയ മൃഗത്തിന്റെ ഇറച്ചിയുമായി 2 പേർ കാറിൽ രക്ഷപ്പെടാൻ ശ്രമിക്കുന്നതിനിടെയാണ് ആക്രമണമുണ്ടായത്.

ഉദ്യോഗസ്ഥരെ ഇടിച്ച് വീഴ്ത്തിയ ശേഷം കാറും മൂന്ന് ചാക്ക് ഇറച്ചിയും ഉപേക്ഷിച്ച് സംഘം രക്ഷപ്പെടുകയായിരുന്നു. പരിക്കേറ്റ വനപാലകരെ കൂരാച്ചുണ്ട് സർക്കാർ ആശുപത്രിയിൽ പ്രവേശിപ്പിച്ചു.