പാനൂരിൽ നിന്ന് ബോംബുകളും വടിവാളും കണ്ടെത്തി

സംഘർഷം തുടരുന്ന പാനൂരിനടുത്ത എലാങ്കോട് നിന്നും ബോംബുകളും വടിവാളും കണ്ടെത്തി. ഇന്ന് രാവിലെ എട്ടോടെ പോലീസ് ഉദ്യോഗസ്ഥർ നടത്തിയ റെയ്ഡിലാണ് മാരകായുധങ്ങൾ കണ്ടെത്തിയത്.

റെയ്ഡിൽ എലാങ്കോട് സ്വാമി മഠം പാറയ്ക്ക് താഴെ ആളൊഴിഞ്ഞ പറമ്പിൽ പ്ലാസ്റ്റിക്ക് സഞ്ചിയിൽ സൂക്ഷിച്ച നിലയിലാണ് ഏഴു നാടൻ ബോംബുകളും രണ്ടു വടിവാളും കണ്ടെത്തിയത്. ഈ മേഖലയിൽ കൂടുതൽ ആയുധങ്ങൾക്കായും പ്രതികൾക്കായും റെയ്ഡ് തുടരുകയാണ്.

നാല് ദിവസമായി ഈ മേഖലയിൽ സംഘർഷം നടന്നു വരികയാണ്.