തിരുവനന്തപുരത്ത് കാറ് ബസ്റ്റോപ്പിലേക്ക് ഇടിച്ച് കയറി ഒരു മരണം

തിരുവല്ലം പാറവിളയില്‍ കാറ് ബസ്റ്റോപ്പിലേക്ക് ഇടിച്ച് കയറി ഉണ്ടായ അപകടത്തില്‍ ഒരു മരണം. ബസ് സ്റ്റോപ്പില്‍ ഇരുന്ന പാറവിള സ്വദേശി ദേവേന്ദ്രനാണ് മരിച്ചത്. ഇടിയുടെ ആഘാതത്തില്‍ കോണ്ക്രീറ്റ് ബസ് സ്റ്റോപ്പ് പൂര്‍ണമായും തകര്‍ന്നു.പത്തു മണിയോടെയാണ് സംഭവം.

പാറവിള സ്വദേശികളായ മധു,  ധര്‍മ്മരാജ് , പ്രസാദ് , പ്രദീപ് എന്നിവര്‍ക്ക് സാരമായി പരിക്കേറ്റിട്ടുണ്ട്. ഇതില്‍ ഒരാളുടെ നില ഗുരുതരമാണ്. അമിത വേഗത്തില്‍ വന്ന കാര്‍ മുന്നില്‍ പോയ ബൈക്കില്‍ ഇടിച്ച ശേഷം ബസ് സ്റ്റോപ്പിലേക്ക് ഇടിച്ചു കയറുകയായിരുന്നു. പരിക്കേറ്റവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

accident