മുസ്‌ലിം പള്ളിയിൽ ചാവേർ സ്‌ഫോടനം: 20 പേർ കൊല്ലപ്പെട്ടു

നൈജീരിയയിലെ മുബിയിലെ മുസ്‌ലിം പള്ളിയിൽ നടന്ന ചാവേർ സ്‌ഫോടനത്തിൽ 20 പേർ കൊല്ലപ്പെട്ടു. അതേസമയം, മരണ നിരക്ക് വർധിക്കാനിടയുണ്ടെന്നും 20നും 50നും ഇടയിൽ ആളുകൾ മരിച്ചിട്ടുണ്ടെന്നും റിപ്പോർട്ടുണ്ട്. പ്രാദേശിക മാധ്യമങ്ങളാണ് വാർത്ത പുറത്തുവിട്ടത്.

വടക്കു കിഴക്കൻ നൈജീരിയയിലെ പള്ളിയിൽ പ്രഭാത നമസ്‌കാരത്തിനായി ഒരുമിച്ചു കൂടിയവർക്കിടയിലേക്കാണ് ചാവേർ പൊട്ടിത്തെറിച്ചത്. കൗമാരപ്രായക്കാരനാണ് ചാവേറെന്ന് പൊലിസ് പറഞ്ഞു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.

nigeria masjid bomb blast killed 20