കേന്ദ്ര സർക്കാരിന്റെ അടുത്ത നീക്കം ചെക്ക് ബുക്ക് നിരോധനം ?

ഡിജിറ്റൽ പണമിടപാടുകളെ പ്രോത്സാഹിപ്പിക്കുന്നതിന്റെ ഭാഗമായി ചെക്ക് ബുക്കുകൾ നിരോധിക്കാൻ കേന്ദ്രസർക്കാർ ഒരുങ്ങുന്നു എന്ന വാർത്ത പ്രചരിച്ചിരുന്നു. എന്നാൽ രാജ്യത്ത് അടുത്തെങ്ങും ചെക്ക് ബുക്ക് നിരോധിക്കാൻ ആലോചിക്കുന്നില്ലെന്ന് കേന്ദ്ര ധനമന്ത്രാലയം വ്യക്തമാക്കി.

ഡിജിറ്റൽ പണമിടപാടുകൾ പ്രോത്സാഹിപ്പിക്കാൻ സമീപഭാവിയിൽ തന്നെ ചെക്ക് ബുക്കിന് നിരോധനം ഏർപ്പെടുത്തിയേക്കുമെന്ന് കഴിഞ്ഞ ദിവസം കോൺഫെഡറേഷൻ ഓഫ് ഓൾ ഇന്ത്യ ട്രേഡേഴ്‌സ് സെക്രട്ടറി ജനറൽ പ്രവീൺ ഖണ്ഡേൽവാൾ പറഞ്ഞിരുന്നു.

എന്നാൽ, കേന്ദ്രസർക്കാർ അത്തരമൊരു നീക്കത്തെക്കുറിച്ച് ആലോചിക്കുന്നേയില്ലെന്ന് ധനമന്ത്രാലയം ട്വിറ്റർ സന്ദേശത്തിലൂടെ ഉറപ്പിക്കുകയായിരുന്നു.