നാലുവയസ്സുകാരിയെ വറചട്ടിയിൽ ഇരുത്തി പൊള്ളലേൽപ്പിച്ചു; മാതാവ് അറസ്റ്റിൽ

നാലുവയസുകാരിയെ വറചട്ടിയിൽ ഇരുത്തിപൊള്ളലേൽപ്പിച്ച മാതാവിനെ പൊലീസ് അറസ്റ്റുചെയ്തു. ഹൈദരാബാദിലാണ് സംഭവം. പെൺകുട്ടിയുടെ അമ്മ ലളിത(25),രണ്ടാനച്ഛൻ പ്രകാശ്(25)എന്നിവരെ പൊലീസ് അറസ്റ്റുചെയ്തു. ഗുരുതരമായി പൊള്ളലേറ്റകുട്ടിയെ ആശുപത്രിയിലാക്കി.

എസ.ആർ.നഗറിലെ ഒരു ഹോസ്റ്റലിൽ പാചകക്കാരിയാണ് ലളിത,പ്രകാശ് അവിടെ വാച്ച്മാനാണ്. ലളിതക്ക് ആദ്യവിവാഹത്തിലുള്ളതാണ് കുട്ടി. പൊള്ളലേറ്റകുട്ടിയെ തങ്ങൾക്ക് വഴിയോരത്തുനിന്നും കിട്ടിയതാണെന്നു പറഞ്ഞ് ഭരോസ എന്ന അഗതിമന്ദിരത്തിലെത്തിക്കുകയായിരുന്നു ഇവർ.