രാഹുൽ ഗാന്ധി പത്രിക സമർപ്പിച്ചു

ഐസിസി അധ്യക്ഷ സ്ഥാനത്തേക്ക് രാഹുൽ ഗാന്ധി പത്രിക സമർപ്പിച്ചു. മുതിർന്ന നേതാക്കളോടൊപ്പമെത്തിയാണ് രാഹുൽ പത്രിക സമർപ്പിച്ചത്. കേരളത്തിൽ നിന്ന് എംഎം ഹസ്സൻ, രമേശ് ചെന്നിത്തല എന്നിവർ രാഹുൽ ഗാന്ധിക്ക് വേണ്ടി പത്രിക സമർപ്പിക്കാൻ ഡൽഹിയിലെത്തിയിരുന്നു.

74 സെറ്റ് പത്രികകളാണ് രാഹുൽ ഗാന്ധിക്ക് വേണ്ടി സമർപ്പിക്കാനായി മുല്ലപ്പള്ളി രാമചന്ദ്രനിൻ നിന്നും വിവിധ പിസിസികൾ കൈപ്പറ്റിയത്. ഇതുവരെ രാഹുൽഗാന്ധിക്കെതിരെ ആരും പത്രിക നൽകിയിട്ടില്ല. ഇന്ന് വൈകുന്നേരത്തോടെ മറ്റാരും പത്രിക നൽകിയിട്ടില്ലെങ്കിൽ രാഹുൽ ഗാന്ധിയെ അധ്യക്ഷനാക്കാനുള്ള സാങ്കേതിക നടപടിക്രമങ്ങൾ ആരംഭിക്കും.