നടിയെ അക്രമിച്ച കേസ്; കുറ്റപത്രം കോടതി സ്വീകരിച്ചു

കൊച്ചിയിൽ നടിയെ അക്രമിച്ച കേസിൽ ദിലീപിനെതിരായ കുറ്റപത്രം കോടതി സ്വീകരിച്ചു. സാങ്കേതിക പിഴവുകൾ തിരുത്തിയ ശേഷമാണ് അങ്കമാലി മജിസ്‌ടേറ്റ് കോടതിയുടെ നടപടി. ഇനി അത് വിചാരണ കോടതിയിലേക്ക് അയക്കും.

ഫെബ്രുവരിയിലാണ് കേസിനാസ്പദമായ സംഭവം നടക്കുന്നത്. ഫെബ്രുവരി 17, 2017 നാണ് കൊച്ചിയിൽ ദേശീയപാതയിലൂടെ സഞ്ചരിക്കുകയായിരുന്ന സിനിമാനടിയുടെ കാറിൽ ഒരു സംഘം അതിക്രമിച്ച് കയറി താരത്തെ അക്രമിക്കുന്നതും, അപകീർത്തികരമായി ദൃശ്യങ്ങൾ ചിത്രീകരിക്കുന്നതും. സംഭവത്തിൽ അക്രമി സംഘത്തിലെ പ്രധാന പൾസർ സുനിയും, സുനിക്ക് ക്വട്ടേഷൻ നൽകിയ നടൻ ദിലീപും ഉൾപ്പെടെ നടിക്കെതിരെയുണ്ടായ അക്രമത്തിൽ ബന്ധമുള്ളവർക്കെതിരെയാണ് കേസെടുത്തിരിക്കുന്നത്.

court accepts charge sheet against dileep