വൈകിയോടുന്ന എട്ട് ട്രെയിനുകള്‍ രണ്ട് മാസത്തേക്ക് റദ്ദാക്കി

എട്ട് മെമു, പാസഞ്ചര്‍ ട്രെയിനുകള്‍ എട്ട് ട്രെയിനുകള്‍ രണ്ട് മാസത്തേക്ക് റദ്ദാക്കി. ഇന്ന് മുതലാണ് ഈ ട്രെയിനുകള്‍ റദ്ദാക്കുന്നത്.  കായംകുളം പാതയില്‍ ട്രാക്ക് റിന്യുവല്‍ മെഷീന്‍സ് ഉപയോഗിച്ച് അറ്റകുറ്റപ്പണികള്‍ നടക്കുകയാണ്. ഇക്കാരണത്താല്‍ തന്നെ ഈ ട്രെയിനുകളെല്ലാം നിലവില്‍ വൈകിയോടുകയായിരുന്നു. അറ്റകുറ്റപ്പണികള്‍ക്ക്  സൗകര്യമൊരുക്കുന്നതിനായാണ് ട്രെയിനുകള്‍ റദ്ദാക്കിയത്. എന്നാല്‍ രാവിലെയും വൈകീട്ടുമുള്ള പ്രധാന പാസഞ്ചറുകള്‍ റദ്ദാക്കിയിട്ടില്ലെന്ന് റെയില്‍വെ അറിയിച്ചു.
എറണാകുളം കൊല്ലം മെമു (രാവിലെ 5.50), കൊല്ലം എറണാകുളം മെമു (രാവിലെ 7.45), എറണാകുളം കായംകുളം പാസഞ്ചര്‍ (രാവിലെ 10.05), കൊല്ലം എറണാകുളം മെമു (രാവിലെ 11.10), എറണാകുളം കായംകുളം പാസഞ്ചര്‍ (ഉച്ചയ്ക്ക് 12.00),, കായംകുളം എറണാകുളം പാസഞ്ചര്‍ (ഉച്ചയ്ക്ക് 1.30), എറണാകുളം കൊല്ലം മെമു (ഉച്ചയ്ക്ക് 2.40), കായംകുളം എറണാകുളം പാസഞ്ചര്‍ (വൈകീട്ട് 5.10) എന്നീ ട്രെയിനുകളാണ് റദ്ദാക്കിയത്.

eight trains cancelled