പെട്രോളിന് 22രൂപ; പദ്ധതിയുമായി കേന്ദ്ര സര്‍ക്കാര്‍
രാജ്യത്ത് വില്‍ക്കുന്ന പെട്രോളില്‍ 15 ശതമാനം മെഥനോള്‍ ചേര്‍ക്കാനുള്ള പദ്ധതിയുമായി കേന്ദ്ര സര്‍ക്കാര്‍.അന്തരീക്ഷ മലിനീകരണം കുറയ്‌ക്കുന്നതിനാണ് പദ്ധതിയെങ്കിലും ഇത് പെട്രോളിന്റെ വിലയില്‍ ഗണ്യമായ കുറവു വരുത്തും. അടുത്ത പാര്‍ലമെന്റ് സമ്മേളനത്തില്‍ ഈ പദ്ധതി പ്രഖ്യാപിക്കുമെന്ന് മുംബൈയില്‍ നടന്ന ഒരു ചടങ്ങില്‍ കേന്ദ്ര ഉപരിതല ഗതാഗതമന്ത്രി നിതിന്‍ ഗഡ്കരി പറഞ്ഞു. ഇതോടെ രാജ്യത്ത് പെട്രോളിന് വലിയ വിലക്കുറവുണ്ടാകുമെന്നും അദ്ദേഹം അഭിപ്രായപ്പെട്ടു. ചൈനയില്‍ ഇത്തരത്തിലുള്ള പെട്രോളാണാ വില്‍ക്കുന്നത്. അവിടെ ഒരു ലിറ്റര്‍ പെട്രോളിന്റെ വില 17രൂപയാണ്. ഇന്ത്യയില്‍ 22രൂപയ്ക്ക് പെട്രോള്‍ വിതരണം ചെയ്യാനാകുമെന്ന് മന്ത്രി വ്യക്തമാക്കി.
സ്വീഡിഷ് വാഹന നിര്‍മാണ കമ്പനിയായ വോള്‍വോ മെഥനോള്‍ ചേര്‍ത്തുള്ള പെട്രോള്‍ ഉപയോഗിക്കാന്‍ കഴിയുന്ന പ്രത്യേക എഞ്ചിന്‍ അവതരിപ്പിച്ചതായും ഇതുപയോഗിച്ച് 25 ബസുകള്‍ ഓടിക്കാന്‍ തയ്യാറെടുക്കുകയാണെന്നും അദ്ദേഹം പറഞ്ഞു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
