കാശ്മീരില്‍ മഞ്ഞു വീഴ്ച; അഞ്ച് സൈനികരെ കാണാതായി

ജമ്മു കശ്മീരിൽ കനത്ത മഞ്ഞുവീഴ്ചയില്‍ അഞ്ച് സൈനികരെ കാണാതായി. കുപ്‍വാരയിലെ നൗഗമിൽ രണ്ടുപേരെയും ബന്ദിപ്പോറ ജില്ലയിലെ ഗുറെസിലെ കൻസൽവാൻ സബ് സെക്ടറിൽ മൂന്നുപേരെയുമാണ് കാണാതായത്. പട്രോളിങ്ങിന് പോയ സൈനികരെയാണ് കാണാതായത്.  കനത്ത മഞ്ഞു വീഴ്ച കാരണം രക്ഷാപ്രവര്‍ത്തനം ദുഷ്കരമായിരിക്കുന്നത്.  തുടർച്ചയായ രണ്ടാം ദിവസവും പൂഞ്ചിനെയും രജൗരിയെയും ഷോപിയാൻ ജില്ലയുമായി ബന്ധിപ്പിക്കുന്ന മുഗൾ റോഡും ശ്രീനഗർ– ജമ്മു ദേശീയപാതയും മഞ്ഞുവീഴ്ചയും മഴയും കാരണം അടച്ചിട്ടിരിക്കുകയാണ്. ഗതാഗതം ഭാഗികമായി തടസ്സപ്പെട്ട നിലയിലാണ്.

snow fall