കുറ്റപത്രം ചോര്‍ത്തിയെന്ന ഹര്‍ജി; ദിലീപ് ഹരിശ്ചന്ദ്രനല്ലെന്ന് പ്രോസിക്യൂഷന്‍

കുറ്റപത്രം ചോര്‍ത്തിയെന്ന ദിലീപിന്റെ ഹര്‍ജിയില്‍ വാദം പൂര്‍ത്തിയായി. ഹര്‍ജിയില്‍ ഈ മാസം 23ന് വിധി പറയും. ദിലീപ് ഹരിച്ഛദ്രനല്ലെന്ന് പ്രോസിക്യൂഷന്‍ കോടതിയില്‍ വ്യക്തമാക്കി. ഫോണ്‍ രേഖകള്‍ അടക്കം പുറത്ത് വിട്ടത് ദിലീപാണ്. അന്വേഷണ സംഘം കുറ്റപത്രം ചോര്‍ത്തി നല്‍കിയിട്ടില്ലെന്നും പ്രോസിക്യൂഷന്‍ പറഞ്ഞു. അങ്കമാലി കോടതിയാണ് ഹര്‍ജി പരിഗണിക്കുന്നത്. ഫയല്‍ സ്വീകരിക്കുന്നതിന് മുമ്പായി കുറ്റപത്രത്തിലെ വിവരങ്ങള്‍ മാധ്യമങ്ങള്‍ക്ക് ചോര്‍ത്തി നല്‍കിയെന്നാണ് ദിലീപ് ഹര്‍ജിയില്‍ ആരോപിക്കുന്നത്. കഴിഞ്ഞ മാസം 22നാണ് അന്വേഷണ സംഘം കുറ്റപത്രം സമര്‍പ്പിച്ചത്.