ജോസഫ് പുലിക്കുന്നേല്‍ വിടവാങ്ങി

ക്രൈസ്തവ സൈദ്ധാന്തികനും പൗരോഹിത്യത്തിന്റെ തീവ്ര വിമര്‍ശകനുമായിരുന്ന ജോസഫ് പുലിക്കുന്നേല്‍(85) അന്തരിച്ചു. കോട്ടയം ഭരണങ്ങാനത്തെ വീട്ടിലായിരുന്നു അന്ത്യം. സംസ്‌കാരം നാളെ രാവിലെ 11 മണിക്ക് വീട്ടുവളപ്പില്‍ നടക്കും. കുറച്ച് കാലമായി വാര്‍ദ്ധക്യ സഹജമായ അസുഖങ്ങളെ തുടര്‍ന്ന് പൊതുപരിപാടികളില്‍ സജീവമായിരുന്നില്ല.

കേരള ക്രൈസ്തവ സഭയിലെ വൈദേശിക ഭരണവ്യവസ്ഥയ്ക്ക്  എതിരെ

യാണ് ജോസഫ് പുലിക്കുന്നേല്‍ വിമര്‍ശനമുയര്‍ത്തിയത്. പാശ്ചാത്യ മാതൃകയിലുള്ള സഭാഘടനയല്ല കേരളത്തില്‍ വേണ്ടതെന്നായിരുന്നു അദ്ദേഹത്തിന്റെ വാദം.സഭാ നേതൃത്വത്തിന് റോമിനോടും മാര്‍പ്പാപ്പയോടും മാത്രമാണ് കൂറ്, സാധാരണ വിശ്വാസികളോടോ ദേശീയതയോടോ അല്ല എന്നായിരുന്നു ജോസഫ് പുലിക്കുന്നേല്‍ മുന്നോട്ടുവച്ച നിലപാട്. ഇത് വൈദേശികമായ മത-സാമ്പത്തിക അധിനിവേശം തുടരുന്നതിന്റെ സൂചനയാണെന്നും പുലിക്കുന്നേല്‍ ആവര്‍ത്തിച്ചു. സഭയുടെ  അധികാര മേഖലകള്‍ സാധാരണ വിശ്വാസിക്കും പ്രാപ്യമാക്കണമെന്ന് വാദിച്ചു. ഇതിനായി ‘ഓശാന’ എന്ന പ്രസിദ്ധീകരണവും പുലിക്കുന്നേല്‍ തുടങ്ങി.സഭാ സ്ഥാപന നടത്തിപ്പില്‍ ‘സുവിശേഷ ഗന്ധിയായ പരിവര്‍ത്തനവും നവീകരണവും’ ആണ് ഓശാനയുടെ ലക്ഷ്യമെന്ന ആദ്യ മുഖപ്രസംഗം തന്നെ ഏറെ ശ്രദ്ധ നേടിയിരുന്നു.ജോസഫ്  പുലിക്കുന്നേലിന്റെ നേതൃത്വത്തിലുള്ള ചില സന്നദ്ധസംഘടനകള്‍ വിദേശഫണ്ട് വന്‍തോതില്‍ കൈപ്പറ്റിയെന്നും തിരിമറി നടത്തിയെന്നും  ഇടക്കാലത്ത് ആരോപണം ഉയര്‍ന്നിരുന്നു

joseph pulikunnel passes away