എന്‍ഐഎ വീണ്ടും ഫ്രാന്‍സിലേക്ക്

ഐഎസ് കേസുകളിലെ അന്വേഷണവുമായി ബന്ധപ്പെട്ട് ദേശീയ അന്വേഷണ ഏജന്‍സി(എന്‍ഐഎ) വീണ്ടും ഫ്രാന്‍സില്‍ എത്തും.പാരിസ് ആക്രമണക്കേസ് പ്രതികളെ ചോദ്യം ചെയ്യാനാണ് എന്‍ഐഎ സംഘം ഫ്രാന്‍സില്‍ എത്തുന്നത്.എന്‍ഐഎ അറസ്റ്റ് ചെയ്ത സുബ്ഹാനിക്ക് ഇവരെ അറിയാമെന്ന് മൊഴി നല്‍കിയിരുന്നു. ഇടുക്കി  ജില്ലയിലെ തൊടുപുഴ  സ്വദേശിയായ സുബ്ഹാനിയെ തിരുനെല്‍വേലിയില്‍ നിന്നാണ് എന്‍ഐഎ സംഘം അറസ്റ്റുചെയ്തത്. ഐഎസില്‍ ചേര്‍ന്നുവെന്ന് സംശയിക്കപ്പെടുന്ന മലയാളികളെ സംബന്ധിച്ച് എന്‍ഐഎ അന്വേഷണം തുടരുകയാണ്. പാരിസ് ആക്രമണക്കേസ് അന്വേഷിക്കുന്ന ഫ്രാന്‍സില്‍ നിന്നുള്ള സംഘം വൈകാതെ ഇന്ത്യയില്‍ എത്തുമെന്നും വിവരമുണ്ട്.