ആർഎസ്എസ് മേധാവി പതാക ഉയർത്തിയ സംഭവം; നടപടിയെടുക്കാൻ ഉത്തരവിട്ട് മുഖ്യമന്ത്രി

പാലക്കാട് മൂത്താംതറ കർണകിയമ്മൻ സ്‌കൂളിൽ സ്വാതന്ത്ര്യ ദിനത്തോടനുബന്ധിച്ച് ആർഎസ്എസ് നേതാവ് മോഹൻ ഭാഗവത് പതാക ഉയർത്തിയ സംഭവത്തിൽ നടപടിയെടുക്കാൻ ഉത്തരവിട്ട് മുഖ്യമന്ത്രി പിണറായി വിജയൻ.

സ്‌കൂൾ ഹെഡ്മാസ്റ്റർക്കും മാനേജർക്കും എതിയെരാണ് നടപടി. നടപടി എടുക്കാൻ പൊതു വിദ്യാഭ്യാസ വകുപ്പിനാണ് മുഖ്യമന്ത്രി ചുമതല നൽകിയിരിക്കുന്നത്. സംഭവത്തിൽ ക്രിമിനൽ കേസ് നിലനിൽക്കുമോ എന്ന് പരിശോധിക്കാൻ പോലീസിനും മുഖ്യമന്ത്രി നിർദ്ദേശം നൽകിയിട്ടുണ്ട്.

അതേസമയം, സർക്കാർ നടപടിയെ നിയമപരമായി നേരിടുമെന്ന് ബിജെപിയുടെ എംടി രമേശ് പറഞ്ഞു.