ആഷസ് പരമ്പരയിലെ നാലാം ടെസ്റ്റ് സമനിലയില്‍

മെല്‍ബണില്‍ നടന്ന നാലാം ടെസ്റ്റ് സമനിലയില്‍ കലാശിച്ചു. ഒന്നാം ഇന്നിംങ്‌സില്‍ 164 റണ്‍സിന്റെ ലീഡ് വഴങ്ങിയ ഓസ്‌ട്രേലിയ രണ്ടാം ഇന്നിംങ്‌സില്‍ നാല് വിക്കറ്റ് നഷ്ടത്തില്‍ 263 റണ്‍സ് നേടി. ഓസ്‌ട്രേലിയന്‍ ക്യാപ്റ്റന്‍ സ്റ്റീവ് സ്മിത്ത് സെഞ്ചുറി നേടി പുറത്താകാതെ നിന്നു. ഇംഗ്ലണ്ടിനുവേണ്ടി ആദ്യ ഇന്നിംങ്‌സില്‍ 244 റണ്‍സ് നേടി പുറത്താകാതെ നിന്ന അലിസ്റ്റര്‍ കുക്കാണ് കളിയിലെ താരം. ആദ്യ മൂന്ന് കളികളും വിജയിച്ച് ഓസ്‌ട്രേലിയ പരമ്പര നേരത്തേ സ്വന്തമാക്കിയിരുന്നു.