സിപിഐക്കെതിരെ രൂക്ഷവിമര്‍ശനം

പത്തനംതിട്ട ജില്ലാ സമ്മേളനത്തില്‍ സിപിഐയെ രൂക്ഷമായി വിമര്‍ശിച്ച് സിപിഎം രംഗത്ത്. സിപിഐ മുന്നണിയില്‍ വേണമോയെന്ന കാര്യം മുന്നണി നേതൃത്വം തന്നെ ചര്‍ച്ച ചെയ്യട്ടെ എന്നും സിപിഎം പറഞ്ഞു. സിപിഐയെ വിമര്‍ശിക്കുന്നതിനൊപ്പം കാനം രാജേന്ദ്രനെതിരെയും സമ്മേളനത്തില്‍ സിപിഎം വിമര്‍ശനം ഉന്നയിച്ചു. കാനം രാജേന്ദ്രന് മുഖ്യമന്ത്രി ആകാന്‍ താല്‍പര്യമുണ്ടായിരുന്നെന്നും സമ്മേളനത്തില്‍ വിമര്‍ശിച്ചു. ഇതോടെ സിപിഎം സിപിഐ ഭിന്നത കൂടുതല്‍ രൂക്ഷമാകാനാണ് സാധ്യത.