പിജി ഡോക്ടർമാരുടെ അനിശ്ചിതകാലസമരം രണ്ടാം ദിനത്തിൽ

മെഡിക്കൽ കോളേജുകളിലെ പി.ജി ഡോക്ടർമാർ, ഹൗസ് സർജൻമാർ, മെഡിക്കൽ വിദ്യാർത്ഥികൾ എന്നിവരുടെ അനിശ്ചിതകാലസമരം രണ്ടാം ദിനത്തിൽ. ഡോക്ടർമാരുടെ പെൻഷൻ പ്രായം വർദ്ധിപ്പിച്ചതിനെതിരെയാണ് സമരം.

ഒ.പി, വാർഡ് ഡ്യൂട്ടികൾ ബഹിഷ്‌കരിച്ചാണ് ജൂനിയർ ഡോക്ടർമാരുടെ പ്രതിഷേധം. സമരം നേരിടാനായി ആരോഗ്യ വകുപ്പ് ഒരുക്കിയ ബദൽ സംവിധാനം ഫലപ്രദമാണെന്ന് ആരോഗ്യമന്ത്രി കെ.കെ. ശൈലജ അറിയിച്ചു.

സമരക്കാരുടെ ആവശ്യങ്ങൾ ന്യായമായി പരിഗണിക്കാമെന്ന് ഉറപ്പ് നൽകിയിട്ടും സമരവുമായി മുന്നോട്ട് പോയത് ശരിയായില്ലെന്നും ആരോഗ്യമന്ത്രി വ്യക്തമാക്കി. ചർച്ചയ്ക്ക് സർക്കാർ ഇനിയും തയ്യാറാണെന്നും മന്ത്രി അറിയിച്ചു.