സമയക്രമം പാലിക്കാന്‍ കഴിയാതെ കലോത്സവവേദികള്‍

തൃശൂരില്‍ നടക്കുന്ന സംസ്ഥാന കലോത്സവത്തിന്റെ ആദ്യ ദിനമായ ഇന്ന് തന്നെ സമയക്രമം പാലിക്കാന്‍ കഴിയാതെ വേദികള്‍. പ്രധാന വേദിയില്‍ ഉദ്ഘാടന സമ്മേളനം ആരംഭിക്കാന്‍ വൈകിയതോടെ ഒന്നാം വേദിയില്‍ നടക്കേണ്ട മോഹിനിയാട്ടം ആരംഭിച്ചത് രണ്ട് മണിക്കൂര്‍ വൈകിയായിരുന്നു. 9.30ന് ആരംഭിക്കേണ്ടിയിരുന്ന ഉദ്ഘാടന സമ്മേളനം ആരംഭിച്ചത് ഒരു മണിക്കൂര്‍ വൈകിയാണ്. തുടര്‍ന്ന് പതിനൊന്ന് മണിക്ക് ആരംഭിക്കേണ്ടിയിരുന്ന മോഹിനിയാട്ടം ഒരു മണിയോടെയാണ് ആരംഭിച്ചത്. ചാക്യാര്‍കൂത്ത് മത്സരം ഒരു മണിക്കൂര്‍ വൈകിയും ഒപ്പന ഒന്നര മണിക്കൂര്‍ വൈകിയുമാണ് അരങ്ങേറിയത്. സമയക്രമം പാലിക്കാന്‍ കഴിയാത്തത് മത്സരാര്‍ത്ഥികളെ ഏറെ ബുദ്ധിമുട്ടിച്ചു.