എയര്‍ ഇന്ത്യയെ സ്വകാര്യവത്കരിക്കരുത്; പാര്‍ലമെന്ററി സമിതി

എയര്‍ ഇന്ത്യയുടെ പ്രവര്‍ത്തനം മെച്ചപ്പെടുത്താന്‍ അഞ്ച് വര്‍ഷം സമയം അനുവദിക്കണമെന്ന് പാര്‍ലമെന്ററി സമിതി ആവശ്യപ്പെട്ടു. അതിനാല്‍ തന്നെ എയര്‍ ഇന്ത്യ സ്വകാര്യവത്കരിക്കുമെന്ന നിലപാട് സ്വീകരിക്കരുതെന്ന് സമിതി ആവശ്യപ്പെടുകയും ചെയ്തു. എയര്‍ ഇന്ത്യ രാജ്യത്തിന്റെ അഭിമാനം തന്നെയാണെന്നും ആവശ്യഘട്ടങ്ങളില്‍ അവസരത്തിനൊത്ത് പ്രവര്‍ത്തിക്കാറുണ്ടെന്നും കമ്മിറ്റി പറഞ്ഞു. അതിനാല്‍ എയര്‍ ഇന്ത്യ സ്വകാര്യവത്കരിക്കുന്നതിന് പകരം ബദലായ മറ്റ് വഴികള്‍ കണ്ടെത്തണമെന്നും നല്‍കികൊണ്ടിരിക്കുന്ന സാമ്പത്തികസഹായം നിര്‍ത്തലാക്കരുതെന്നും സ്റ്റാന്‍ഡിങ് കമ്മിറ്റി ആവശ്യപ്പെട്ടു