ക്യാപ്റ്റൻ ട്രെയിലർ പുറത്ത്

അന്തരിച്ച ഫുട്‌ബോൾ താരം വിപി സത്യന്റെ കഥ പറയുന്ന ക്യാപ്റ്റൻ എന്ന ചിത്രത്തിന്റെ ട്രെയിലർ പുറത്ത്. ജയസൂര്യയാണ് ചിത്രത്തിൽ വിപി സത്യനായി വേഷമിടുന്നത്. പ്രജേഷ് സെൻ ആണ് ചിത്രത്തിന്റെ തിരക്കഥയും സംവിധാനവും നിർവ്വഹിച്ചിരിക്കുന്നത്. ടിഎൽ ജോർജാണ് നിർമ്മാണം.

ചിത്രത്തിനായി 8500 ഓളം താരങ്ങൾ ഓഡീഷന് വേണ്ടി അപേക്ഷിച്ചിരുന്നു. ഇതിൽ നിന്ന് 700 പേരെ തിരഞ്ഞെടുക്കുകയും വീണ്ടും സ്‌ക്രീനിംഗ് നടത്തിയ ശേഷം 75 പേരെ തിരഞ്ഞെടുക്കുകയുമായിരുന്നു. സിനിമയിൽ കാണിക്കുന്ന വിവിധ മത്സരങ്ങളിലായി ഇവരെ കാണാം. അനു സിതാര, സിദ്ദിഖ്, ദീപക് പറമ്പോൽ, രഞ്ജി പണിക്കർ, നിർമൽ പാലാഴി തുടങ്ങിയവർ ചിത്രത്തിൽ അഭിനയിക്കുന്നു. ഇവരെ കൂടാതെ സത്യന്റെ പരിശീലകരും ചിത്രത്തിൽ വേഷമിടുന്നുണ്ട്.

captain trailer