ചെമ്പ്ര പീക്ക് നാളെ മുതല്‍ അനിശ്ചിത കാലത്തേക്ക് അടച്ചിടും

വയനാട്ടിലെ വിനോദ സഞ്ചാര കേന്ദ്രമായ ചെമ്പ്ര പീക്ക് അടച്ചിടുന്നു. കാട്ടുതീ ഭീഷണി മൂലം അടച്ചിടുകയാണെന്നാണ് ഫോറസ്റ്റ് അധികൃതര്‍ വ്യക്തമാക്കുന്നത്. ജനുവരി 15മുതലാണ് അടച്ചിടുന്നത്. കഴിഞ്ഞ വര്‍ഷം തീപിടുത്തത്തില്‍ ഹെക്ടര്‍ കണക്കിന് പുല്‍മേട് നശിച്ചിരുന്നു. ഇതിന്റെ പശ്ചാത്തലത്തില്‍ ദിവസം 200പേര്‍ക്കാണ് ഇങ്ങോട്ട് പ്രവേശനം അനുവദിച്ചിരുന്നത്. ഇനി ഒരു അറിയിപ്പ് ഉണ്ടാകുന്നത് വരെ അടച്ചിടുമെന്നാണ് മേപ്പാടി ഫോറസ്റ്റ് റേഞ്ച് ഓഫീസര്‍ അറിയിച്ചത്.