മുരിങ്ങൂരില്‍ വാഹനാപകടം; മൂന്ന് മരണം

ചാലക്കുടിയ്ക്ക് സമീപം മുരിങ്ങൂരില്‍ ബൈക്കില്‍ കാറിടിച്ച് മൂന്ന് പേര്‍ മരിച്ചു. ഒരു കുടുംബത്തിലെ ആറ് വയസ്സുകാരനും അച്ഛനും അമ്മയുമാണ് അപകടത്തില്‍ മരിച്ചത്. ഇന്നലെ രാത്രിയായിരുന്നു അപകടം.  പെരുമ്പടത്തി വീട്ടില്‍ ഉണ്ണികൃഷ്ണന്‍, ഭാര്യ സുധ, മകന്‍ വാസുദേവ് എന്നിവരാണ് മരിച്ചത്. മൃതദേഹങ്ങള്‍ തൃശ്ശൂര്‍ മെഡിക്കല്‍ കോളേജില്‍ നിന്ന് ഇന്ന് ബന്ധുക്കള്‍ക്ക് വിട്ട് കൊടുക്കും. അമിത വേഗതയിലെത്തിയ കാറാണ് അപകടം ഉണ്ടാക്കിയത്. നിയന്ത്രണം വിട്ട് ബൈക്കില്‍ ഇടിക്കുകയായിരുന്നു.