പുതുവർഷത്തിൽ പുതിയ ഓഫർ പ്രഖ്യാപിച്ച് എയർടെൽ

എയർടെൽ വീണ്ടും പുതിയ ഓഫറുമായി രംഗത്ത്. 399 രൂപയുടെ പുതിയ പ്ലാനാണ് എയർടെൽ പുറത്തിറക്കിയത്.

പ്ലാൻ പ്രകാരം പ്രതിദിനം 1.5 ജിബി 3ജി/4ജി ഡാറ്റ, അൺലിമിറ്റഡ് വോയ്‌സ് കോളുകൾ( ലോക്കൽ, എസ്ടിഡി, റോമിങ്), ദിവസേന 100 എസ്എംഎസ് എന്നിവയാണ് 399 രൂപയുടെ ഓഫറിനൊപ്പം എയർടെൽ നൽകുന്നത്. ഓഫറിൻറെ വാലിഡിറ്റി 70 ദിവസമാണ്.

എന്നാൽ ജിയോയെ മറികടക്കാൻ എയർടെലിന്റെ ഈ പ്ലാനിനും സാധിച്ചില്ല. ജിയോയുടെ 398 രൂപയുടെ പ്ലാനിൽ
പ്രതിദിനം 1.5 ജിബി 4ജി ഡാറ്റയും( അതിന് ശേഷം 64 കെബിപിഎസ് വേഗതയിൽ പരിധിയില്ലാത്ത ഡാറ്റയും), രാജ്യത്തെ ഏത് നെറ്റ് വർക്കുകളിലേക്കും അൺലിമിറ്റഡ് വോയ്‌സ് കോൾ, ദിവസം 100 എസ്എംഎസ് ഒപ്പം ജിയോ ആപ്പ് സബ്‌സ്‌ക്രിപ്ഷനുമാണ് നൽകുന്നത്. ഓഫറിന്റെ വാലിഡിറ്റി 70 ദിവസമാണ്.