മെഡിക്കല്‍ കോഴക്കേസ്; ചീഫ് ജസ്റ്റിസിനെതിരെ പ്രശാന്ത് ഭൂഷണ്‍

മെഡിക്കല്‍ കോളേജ് കോഴക്കേസില്‍ സുപ്രീം കോടതി ചീഫ് ജസ്റ്റിസ് ദീപക് മിശ്രയ്‌ക്കെതിരെ സുപ്രീം കോടതിയിലെ തന്നെ മുതിര്‍ന്ന അഭിഭാഷകന്‍ പ്രശാന്ത് ഭൂഷണ്‍ രംഗത്ത്. ദീപക് മിശ്രയ്ക്ക് ഇതില്‍ പങ്കുണ്ടോയെന്ന് അന്വേഷിക്കണമെന്നാണ് പ്രശാന്ത് ഭൂഷണ്‍ ആവശ്യപ്പെടുന്നത്. അതോടൊപ്പം ചീഫ് ജസ്റ്റീസിനെതിരെ അന്വേഷണം നടത്തണമെന്ന ആവശ്യവുമായി കോടതിയിലെ അഞ്ച് മുതിര്‍ന്ന ജഡ്ജിമാര്‍ക്ക് പരാതി നല്‍കിയതായും അദ്ദേഹം പറഞ്ഞു. മെഡിക്കല്‍ കോളേജ് കോഴക്കേസുമായി ബന്ധപ്പെട്ട് സിബിഐ രജിസ്റ്റര്‍ ചെയ്ത എഫ്‌ഐആറിന്റെ വിശദാംശങ്ങളും പരാതിക്കൊപ്പം നല്‍കിയിട്ടുള്ളതായി പ്രശാന്ത് ഭൂഷണ്‍ പറഞ്ഞു.