എടിഎം തകര്‍ത്ത് കവര്‍ച്ചാ ശ്രമം

മലപ്പുറം രാമപുരത്ത് എടിഎം തകര്‍ത്ത് പണം കവരാന്‍ ശ്രമം.കാനറാ ബാങ്കിന്റെ എടിഎമ്മിലാണ് കവര്‍ച്ചാ ശ്രമം നടന്നത്. എടിഎമ്മിന്റെ ചില്ലുകള്‍ തകര്‍ത്ത് എടിഎം തന്നെ വണ്ടി ഉപയോഗിച്ച് കെട്ടിവലിച്ച ശേഷം പണം തട്ടാനായിരുന്നു ശ്രമം. എടിഎം പൂര്‍ണ്ണമായി തകര്‍ന്നെങ്കിലും പണം നഷ്ടപ്പെട്ടിട്ടില്ല. കരി ഓയില്‍ തേച്ചാണ് കള്ളനെത്തിയത്.കറുത്ത സ്പ്രേ സിസിടിവി ക്യാമറയില്‍ അടിച്ചെങ്കിലും മോഷണ ദൃശ്യങ്ങള്‍ ക്യാമറയില്‍ പതിഞ്ഞിട്ടുണ്ട്. രാമപുരം – കടുങ്ങപുരം റോഡില്‍ കരിമ്പനക്കല്‍ യൂസഫിന്റെ ഉടമസ്ഥതയിലുള്ള കരിമ്പനക്കല്‍ കോംപ്ലക്‌സിലാണ് എടിഎം പ്രവര്‍ത്തിക്കുന്നത്.