ബോധ് ഗയ ക്ഷേത്രത്തിൽ നിന്നും ബോംബുകൾ കണ്ടെത്തി

ബീഹാറിലെ ബോധ് ഗയയിലെ തീർത്ഥാടന കേന്ദ്രത്തിന് സമീപത്ത് നിന്ന് ബോംബ് കണ്ടെത്തി. സ്‌ഫോടന ശബ്ദം കേട്ട് പരിശോധിച്ചപ്പോഴാണ് ബോംബ് കണ്ടെത്തിയത്. ബുദ്ധന് ജ്ഞാനോദയം ലഭിച്ചെന്ന് വിശ്വസിക്കപ്പെടുന്ന സ്ഥലത്തിനടുത്തു നിന്നാണ് ബോംബ് കണ്ടെത്തിയത്.

ഇതിന് പുറമേ മഹാബോധി ക്ഷേത്രത്തിന്റെ നാലാം പ്രവേശന കവാടത്തിന് സമീപത്ത് നിന്നും കണ്ടെത്തിയ മറ്റൊരു വസ്തു സംശയത്തിനിടയാക്കി. സ്‌ഫോടനത്തിന് ഉപയോഗിക്കുന്ന എന്തെങ്കിലും വസ്തുവാണോയെന്ന് സംശയവും ഉണ്ട്. കിട്ടിയ വസ്തുക്കളും ബോംബും വിശദ പരിശോധനയ്ക്കായി മാറ്റി.