ലോക സാമ്പത്തിക ഫോറത്തിന്റെ പ്ലീനറി സമ്മേളനത്തെ നരേന്ദ്ര മോദി അഭിസംബോധന ചെയ്തു

സ്വിറ്റ്‌സര്‍ലന്‍ഡിലെ ദാവോസില്‍ ലോക സാമ്പത്തിക ഫോറത്തിന്റെ പ്ലീനറി സമ്മേളനം ആരംഭിച്ചു. ഇന്ത്യന്‍ പ്രധാനമന്ത്രി നരേന്ദ്ര മോദി പ്ലീനറി സമ്മേളനത്തെ അഭിസംബോധന ചെയ്ത് സംസാരിച്ചു. വിഘടിച്ച വ്യവസ്ഥിതിയില്‍ എല്ലാ രാജ്യങ്ങളും പരസ്പര പങ്കാളിത്തത്തോടെ മുന്നേറുകയെന്നതാണ് ഈ വര്‍ഷത്തെ പ്ലീനറി സമ്മേളനത്തില്‍ വിഷയമാകുന്നത്. കാലാവസ്ഥ വ്യതിയാനത്തെ കുറിച്ചും ഭീകരവാദത്തെ കുറിച്ചും നരേന്ദ്ര മോദി സംസാരിച്ചു. കാലാവസ്ഥ സന്തുലിതമായി കൊണ്ടുപോകാന്‍ ഓരോ രാജ്യങ്ങളും ആത്മാര്‍ത്ഥമായി പരിശ്രമിക്കണമെന്ന് നരേന്ദ്ര മോദി പറഞ്ഞു. ഒരു രാജ്യത്തിന്റെ മുഴുവന്‍ സമ്പത്ത് ആ രാജ്യത്തെ യുവാക്കളാണ്. ആ യുവത്വം പോലും ഇന്ന് ഭീകരവാദത്തിലേക്ക് വഴിതെറ്റി പോകുന്നുവെന്നും മോദി തന്റെ പ്രസംഗത്തില്‍ പറഞ്ഞു. 1997ല്‍ അന്നത്തെ ഇന്ത്യന്‍ പ്രധാനമന്ത്രിയായിരുന്ന എച്ച്. ദേവഗൗഡയാണ് അവസാനമായി പ്ലീനറി സമ്മേളനത്തില്‍ പങ്കെടുത്ത ഇന്ത്യന്‍ പ്രധാനമന്ത്രി.