പത്മാവത് ഇന്ന് തീയറ്ററുകളിലേക്ക്

സഞ്ജയ് ലീല ബന്‍സാലിയുടെ വിവാദ ചിത്രം പത്മാവത് ഇന്ന് തീയറ്ററുകളില്‍ എത്തും. രാജ്യമെമ്പാടും മൂന്ന് ഭാഷകളിലായാണ് ചിത്രം ‌റിലീസ്ചെയ്യുന്നത്. കര്‍ണിസേന, രജ്പുത് വിഭാഗങ്ങളുടെ പ്രതിഷേധം ശക്തമായതോടെ രാജസ്ഥാനില്‍ അടക്കം നാല് മള്‍ട്ടിപ്ലസുകളില്‍ ചിത്രം റിലീസ് ചെയ്യില്ല. രാജസ്ഥാന്‍ , ഗുജറാത്ത്, ഗോവ, മധ്യപ്രദേശ് എന്നീ സംസ്ഥാനങ്ങളിലെ  മള്‍ട്ടിപ്ലസുകളിലാണ് ചിത്രം പ്രദര്‍ശിപ്പിക്കാത്തത്.   പ്രതിഷേധരംഗത്തുള്ള കർണിസേന ഇന്ന് ഭാരത്ബന്ദിന് ആഹ്വാനംചെയ്തിട്ടുണ്ട്. ചിത്രം പ്രദര്‍ശിപ്പിക്കുന്ന തീയറ്ററുകളില്‍ വന്‍ സുരക്ഷയാണ് ഏര്‍പ്പെടുത്തിയിരിക്കുന്നത്.