അമിത് ഷായെ പരിഹസിച്ച് സിദ്ധരാമയ്യ

ബിജെപി ദേശീയ അധ്യക്ഷന്‍ അമിത് ഷായെ പരിഹസിച്ച് കര്‍ണാടക മുഖ്യമന്ത്രിയും കോണ്‍ഗ്രസ് നേതാവുമായ സിദ്ധരാമയ്യ രംഗത്ത്. സിദ്ധരാമയ്യ അഴിമതിക്കാരനാണെന്ന അമിത് ഷായുടെ വിമര്‍ശനത്തിന് അതേ നാണയത്തില്‍ മറുപടി നല്‍കുകയായിരുന്നു സിദ്ധരാമയ്യ. അമിത് ഷാ തലച്ചോറില്ലാത്ത ആളാണെന്ന് സിദ്ധരാമയ്യ പരിഹസിച്ചു. മുന്‍പ് ഇരുമ്പ് കൂട്ടില്‍ അടക്കപ്പെട്ട ഒരു കിളി കൂട്ടിലടക്കപ്പെട്ട മറ്റൊരു കിളിയെയാണ് കര്‍ണാടകയില്‍ ബിജെപിയുടെ മുഖ്യമന്ത്രി സ്ഥാനാര്‍ത്ഥിയായി കൊണ്ടുവരുന്നതെന്നും സിദ്ധരാമയ്യ പരിഹസിച്ചു. അമിത് ഷായെയും യെഡിയൂരപ്പയേയും ഉന്നം വെച്ചായിരുന്നു സിദ്ധരാമയ്യയുടെ പരിഹാസം.