ഡിവില്ലിയേഴ്‌സിന് പരിക്ക്; ഏകദിന പരമ്പയിലെ ആദ്യ മൂന്ന് മത്സരങ്ങള്‍ നഷ്ടമായേക്കും

സൗത്താഫ്രിക്കന്‍ താരം എ.ബി ഡിവില്ലിയേഴ്‌സിന്റെ വിരലിന് പരിക്കേറ്റതുമൂലം ഇന്ത്യയുമായുള്ള ഏകദിന പരമ്പരയിലെ ആദ്യ മൂന്ന് മത്സരങ്ങള്‍ നഷ്ടമാകാന്‍ സാധ്യത. ടെസ്റ്റ് പരമ്പരയില്‍ സൗത്താഫ്രിക്കയ്ക്കായി മികച്ച പ്രകടനമായിരുന്നു ഡിവില്ലിയേഴ്‌സ് കാഴ്ചവെച്ചത്. ഡിവില്ലിയേഴ്‌സിന്റെ അഭാവം ടീമിനെ വലിയ രീതിയില്‍ ബാധിച്ചേക്കും. പരിക്ക് പൂര്‍ണമായും ഭേദപ്പെട്ടാല്‍ മാത്രമേ അവസാന മൂന്ന് മത്സരങ്ങളില്‍ ഡിവില്ലിയേഴ്‌സിന് കളിക്കാന്‍ സാധിക്കുകയുള്ളൂ. ഫെബ്രുവരി ഒന്നിനാണ് ഏകദിന പരമ്പര ആരംഭിക്കുന്നത്. ആറ് മത്സരങ്ങളടങ്ങുന്നതാണ് സൗത്താഫ്രിക്കയില്‍ നടക്കുന്ന ഏകദിന പരമ്പര.