പ്രേമം ടീം വീണ്ടും വരുന്നു തൊബാമയിലൂടെ

നേരവും പ്രേമവും മലയാളികളുടെ പ്രിയ ചിത്രമാണ്. ഈ കൂട്ട് കെട്ട് ഒന്നിക്കുമ്പോള്‍ ഹൃദയത്തില്‍ സൂക്ഷിക്കാന്‍ പറ്റിയ എന്തെങ്കിലും ഒന്ന് പ്രേക്ഷകരുടെ മനസില്‍ ബാക്കി വയ്ക്കുമെന്നതാണ് ഇതുവരെയുള്ള അനുഭവം. അത് പാട്ടാകാം, തമാശയാകാം അങ്ങനെയെന്തുമാകാം. എന്നാല്‍ ആ ടീം ഒന്നു കൂടി ഒന്നിക്കുകയാണ്. തൊബാമ എന്നാണ് ചിത്രത്തിന്റെ പേര്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത് വന്നു. സിജു വില്‍സണ്‍, കൃഷ്ണ ശങ്കര്‍, ഷറഫുദ്ദീന്‍, ശബരീഷ് വര്‍മ്മ എന്നിവരെല്ലാം ഈ ചിത്രത്തിലും എത്തുന്നുണ്ട്. എന്നാല്‍ അല്‍ഫോണ്‍സ് പുത്രന്‍ ഈ ചിത്രത്തില്‍ നിര്‍മ്മാതാവിന്റെ വേഷത്തിലാണ് എത്തുന്നത്. മൊഹസിന്‍ കാസിമാണ് ചിത്രം സംവിധാനം ചെയ്യുന്നത്.