അഭിപ്രായ സ്വാതന്ത്ര്യം സംരക്ഷിക്കും; കുരീപ്പുഴ വിഷയത്തില്‍ മുഖ്യമന്ത്രിയുടെ പ്രതികരണം

കവി കുരീപ്പുഴ ശ്രീകുമാറിനെതിരെ ഉണ്ടായ ആക്രമണത്തിന് പിന്നില്‍ പ്രവര്‍ത്തിച്ചവര്‍ക്കെതിരെ ശക്തമായ നടപടികള്‍ സ്വീകരിക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. കവി കുരീപ്പുഴയെ ആക്രമിച്ച ഏഴ് ആര്‍എസ്എസ് പ്രവര്‍ത്തകരെ പോലീസ് ഇതിനോടകം അറസ്റ്റ് ചെയ്തു കഴിഞ്ഞു. ഫാഷിസ്റ്റ് ആക്രമണങ്ങള്‍ക്കെതിരെ ശക്തമായ നടപടികള്‍ സ്വീകരിക്കുമെന്നും അഭിപ്രായ സ്വാതന്ത്ര്യത്തിന് സര്‍വ്വസംരക്ഷണമേകുമെന്നും മുഖ്യമന്ത്രി വ്യക്തമാക്കി. കുരീപ്പുഴയെ ആക്രമിച്ചതിന് പിന്നില്‍ ആര്‍എസ്എസിന്റെ ഫാഷിസ്റ്റ് മനോഭാവമാണെന്നും മുഖ്യമന്ത്രി പിണറായി വിജയന്‍ നിയമസഭയില്‍ പറഞ്ഞു.