സോഷ്യല്‍ മാധ്യമങ്ങളില്‍ വ്യാജ വാര്‍ത്ത പ്രചരിപ്പിച്ചാല്‍ കേസ്

സമൂഹ മാധ്യമങ്ങളിലൂടെ ഭീതി പരത്തുന്ന വ്യാജ സന്ദേശങ്ങള്‍ പ്രചരിപ്പിക്കുന്നവര്‍ക്കെതിരെ കേസ് എടുക്കുമെന്ന് പോലീസ്. അഞ്ച് വര്‍ഷം വരെ തടവ് ലഭിക്കുന്ന കുറ്റം ചുമത്തിയാണ് ഇവര്‍ക്കെതിരെ കേസ് എടുക്കുക. കുട്ടികളെ തട്ടിക്കൊണ്ട് പോകുന്നുവെന്ന് കാണിച്ച് വാര്‍ത്തകള്‍ പ്രചരിക്കുന്നവരേയും സംശയം തോന്നുവരെ മര്‍ദ്ദിക്കുന്നവര്‍ക്കും എതിരെ ക്രിമിനല്‍ കേസ് എടുക്കുമെന്നും തിരുവനന്തപുരം റേഞ്ച് ഐജി മനോജ് എബ്രഹാം വ്യക്തമാക്കി. നിരവധി ദൃശ്യങ്ങളാണ് സംസ്ഥാനത്തിന്റെ വിവിധയിടങ്ങളില്‍ നിന്നായി പ്രചരിക്കുന്നത്. ഇതില്‍ പലതും നിരപരാധികളാണ്. ഇതിന്റെ പശ്ചാത്തലത്തിലാണ് പോലീസ് നടപടി.