അഴിമതിക്കേസില്‍ മുന്‍ ബംഗ്ലാദേശ് പ്രധാനമന്ത്രിയ്ക്ക് തടവ്

അഴിമതിക്കേസില്‍ മുന്‍ ബംഗ്ലാദേശ് പ്രധാനമന്ത്രിയും ഇപ്പോഴത്തെ പ്രതിപക്ഷ നേതാവുമായ ഖാലിദ സിയയ്ക്ക് അഞ്ച് വര്‍ഷം തടവ്. ബംഗ്ലാദേശ് കോടതിയാണ് തടവ് വിധിച്ചത്. അനാഥാലയത്തിന് വകയിരുത്തിയ തുകയില്‍ 252,000 ഡോളര്‍ സ്വന്തം പേരിലുള്ള ട്രസ്റ്റ് സ്വന്തമാക്കിയെന്നാണ് ഖാലിദ സിയയ്ക്ക് എതിരെ നിലനിന്നിരുന്ന കേസ്. സിയയുടെ മകനും കേസിലെ പ്രതിയാണ്. മറ്റ് അഞ്ച് പ്രതികള്‍ക്ക് പത്ത് വര്‍ഷമാണ് തടവ് വിധിച്ചിരിക്കുന്നത്. കേസ് രാഷ്ട്രീയ പ്രേരിതമാണെന്ന് സിയ കുറ്റപ്പെടുത്തി.