വാല്‍പ്പാറയില്‍ കരടി ആക്രമണത്തില്‍ ഒരാള്‍ കൊല്ലപ്പെട്ടു

നാലുവയസുകാരനെ പുലി കൊന്നതിന് പിന്നാലെ വാല്‍പ്പാറയില്‍ വീണ്ടും വന്യജീവി ആക്രമണം. കരടിയുടെ ആക്രമണത്തില്‍ ഒരാള്‍ കൊല്ലപ്പെട്ടു. ഒരാഴ്ച മുന്‍പാണ് പുലിയുടെ ആക്രമണത്തില്‍ ഇതേ സ്ഥലത്ത് നാലുവയസുകാരന്‍ കൊല്ലപ്പെട്ടത്. തമിഴ്‌നാട്ടുകാരനായ സുസൈ (55)യാണ് കരടി ആക്രമണത്തില്‍ കൊല്ലപ്പെട്ടത്. ഞായറാഴ്ച രാവിലെ വിറകുശേഖരിക്കാന്‍ കാട്ടിലേക്ക് പോയപ്പോഴാണ് കരടിയുടെ ആക്രമണം. വന്യജീവികളുടെ ആക്രമണം പെരുകുന്ന സാഹചര്യത്തില്‍ വാല്‍പ്പാറയില്‍ ജനങ്ങളുടെ പ്രതിഷേധം ഉടലെടുത്തിട്ടുണ്ട്.