പ്രതിരോധമന്ത്രി ജമ്മു കാശ്മീര്‍ സന്ദര്‍ശിക്കും

പ്രതിരോധമന്ത്രി നിര്‍മല സീതാരാമന്‍ ജമ്മു കാശ്മീര്‍ സന്ദര്‍ശിക്കും. ജമ്മു കാശ്മീരിലെ സാന്‍ജ്വാനിലെ ഭീകരാക്രമണത്തെ തുടര്‍ന്നുള്ള സ്ഥിതിഗതികള്‍ വിലയിരുത്താനാണ് പ്രതിരോധമന്ത്രി ജമ്മു കാശ്മീര്‍ സന്ദര്‍ശിക്കുന്നത്. ശനിയാഴ്ച പുലര്‍ച്ചെ സാന്‍ജ്വാനിലെ സൈനിക ക്യാമ്പിലുണ്ടായ ഭീകരാക്രമണത്തില്‍ ഇതുവരെ പത്തോളം പേര്‍ കൊല്ലപ്പെട്ടതായാണ് റിപ്പോര്‍ട്ടുകള്‍. ജമ്മു കാശ്മീരില്‍ ആക്രമണങ്ങള്‍ തുടര്‍കഥയാകുന്ന സാഹചര്യത്തിലാണ് മന്ത്രി നിര്‍മല സീതാരാമന്റെ ഈ സന്ദര്‍ശനം. പലയിടത്തും ഇപ്പോഴും ഏറ്റുമുട്ടല്‍ തുടരുകയാണ്.