ഫ്ളോറിഡയില്‍ സ്ക്കൂളില്‍ വെടിവെപ്പ്; 17മരണം

അമേരിക്കയിലെ ഫ്ളോറിഡയില്‍ സ്ക്കൂളില്‍ വെടിവെപ്പ്. മജോരിറ്റി സ്‌റ്റോണ്‍മാന്‍ ഡഗ്ലസ് ഹൈസ്ക്കൂളിലാണ് സംഭവം. ആക്രമണത്തില്‍ കുട്ടികള്‍ അടക്കം 17പേര്‍ മരിച്ചു. നിരവധി പേര്‍ക്ക് പരിക്കേറ്റിട്ടുണ്ട്. സ്ക്കൂളിലെ മുന്‍ വിദ്യാര്‍ത്ഥി നിക്കോളസ് ക്രൂസ് എന്ന വിദ്യാര്‍ത്ഥിയാണ് ആക്രമണം നടത്തിയത്. സ്ക്കൂളില്‍ നിന്ന് പുറത്താക്കപ്പെട്ട വിദ്യാര്‍ത്ഥിയാണിത്. ഇന്നലെ വൈകിട്ട് മൂന്ന് മണിയോടെയാണ് സംഭവം. യാതൊരു പ്രകോപനവും ഇല്ലാതെയാണ് നിക്കോളാസ് വെടിവെച്ചത്. സ്ക്കൂളിനം പുറത്ത് വച്ച് മൂന്ന് പേരെ വെടിവച്ച നിക്കോളാസ് സ്ക്കൂളില്‍ കടന്ന ശേഷം ബാക്കിയുള്ളവരെ വെടിവച്ചിടുകയായിരുന്നു. 12 പേര്‍ സ്‌കൂളിനുള്ളിലും മൂന്നു പേര്‍ പുറത്തും രണ്ടു പേര്‍ ആശുപത്രിയിലുമാണ് മരിച്ചത്.