കാളിയനാകാന്‍ പൃഥ്വിരാജ്; ആരാധകരെ ആവേശത്തിലാഴ്ത്തി ഫസ്റ്റ് ലുക്ക്

നടന്‍ പൃഥ്വിരാജ് കാളിയന്‍ എന്ന ചരിത്രവേഷത്തിലെത്തുന്നു. സിനിമയുടെ പേരും ‘കാളിയന്‍’ എന്നുതന്നെയാണ്. സിനിമയുടെ ഫസ്റ്റ്‌ലുക്കും പൃഥ്വിരാജ് തന്റെ ഫേസ്ബുക്ക് പേജിലൂടെ ഇന്ന് പുറത്തിറക്കി. ചരിത്രപ്രാധാന്യമുള്ള വിഷയമാണ് സിനിമയില്‍ പ്രതിപാദിക്കുന്നതെന്നാണ് ഫസ്റ്റ്‌ലുക്ക് പോസ്റ്റില്‍ നിന്ന് വ്യക്തമാകുന്നത്. പൃഥ്വിരാജിന്റെ തന്നെ ശബ്ദത്തിലാണ് ഫസ്റ്റ്‌ലുക്ക് ഒരുക്കിയിരിക്കുന്നത്. ഇതിനോടകം കാളിയന്റെ ഫസ്റ്റ്‌ലുക്ക് സോഷ്യല്‍ മീഡിയയില്‍ തരംഗമായി. നവാഗതനായ എസ്. മഹേഷാണ് സിനിമ സംവിധാനം ചെയ്യുന്നത്. ബി.ടി. അനില്‍ കുമാറിന്റേതാണ് തിരക്കഥ. രാജീവ് നായരാണ് സിനിമയുടെ നിര്‍മ്മാതാവ്.