അനുഗമിക്കാന്‍ ആയിരങ്ങള്‍; അവസാന യാത്രയിലും ‘ശ്രീ’ മായാത്ത സൗന്ദര്യം

നടി ശ്രീദേവിയുടെ ഭൗതിക ശരീരവും വഹിച്ചു കൊണ്ടുള്ള വിലാപയാത്ര അന്ധേരിയിലെ സെലിബ്രേഷന്‍സ് സ്‌പോര്‍ട്‌സ് ക്ലബില്‍ നിന്നും ആരംഭിച്ചു. അവസാന യാത്രയിലും അതീവ സുന്ദരിയായിരുന്നു ശ്രീദേവി. വെളുത്ത പൂക്കള്‍ കൊണ്ട് അലങ്കരിച്ച വാഹനത്തിലാണ് മൃതദേഹം പാര്‍ലെ സമാജ് ശ്മശാനത്തിലേക്ക് കൊണ്ടുപോകുന്നത്. ഏതാനും നിമിഷങ്ങള്‍ക്കകം മൃതദേഹം പാര്‍ലെ ശമ്ശാനത്തിലെത്തും. പൂര്‍ണ ഔദ്യോഗിക ബഹുമതികളോടെ സംസ്‌കാര ചടങ്ങുകള്‍ ഉടന്‍ ആരംഭിക്കും. പാര്‍ലെ ശമ്ശാനത്തിലേക്കുള്ള യാത്രയില്‍ ആയിരങ്ങളാണ് ശ്രീദേവിയുടെ മൃതദേഹത്തെ അനുഗമിക്കുന്നത്. സംസ്‌കാര ചടങ്ങുകള്‍ക്കു ശേഷം അനുശോചന സമ്മേളനവും നടക്കും.