നെയ്മറില്ലാതെ പിഎസ്ജി ഇന്ന് റയലിനെതിരെ

ചാമ്പ്യന്‍സ് ലീഗ് ഫുട്‌ബോളില്‍ ഫ്രഞ്ച് ടീം പിഎസ്ജി ഇന്ന് ജീവന്‍മരണ പോരാട്ടത്തിന് ഇറങ്ങുന്നു. പ്രീ ക്വാര്‍ട്ടറിന്റെ രണ്ടാം പാദത്തില്‍ കരുത്തരായ റയല്‍ മഡ്രിഡാണ് പിഎസ്ജിയുടെ എതിരാളികള്‍. ആദ്യ പാദത്തില്‍ റയല്‍ 3-1 ന് വിജയിച്ചിരുന്നതിനാല്‍ പിഎസ്ജിക്ക് ഈ മത്സരം അഗ്നിപരീക്ഷ തന്നെയാണ്. പിഎസ്ജിയുടെ സൂപ്പര്‍താരം നെയ്മര്‍ പരിക്ക് മൂലം വിശ്രമത്തിലായതിനാല്‍ ഇന്ന് കളത്തിലിറങ്ങില്ല. നെയ്മറിന്റെ അഭാവം പിഎസ്ജിയെ കൂടുതല്‍ തളര്‍ത്തിയേക്കും. ഇന്ന് രാത്രി 1.15 (നാളെ പുലര്‍ച്ചെ) നാണ് മത്സരം നടക്കുക. ലീഗിലെ മറ്റൊരു മത്സരത്തില്‍ കരുത്തരായ ലിവര്‍പൂള്‍ ഇന്ന് പോര്‍ട്ടോയെ നേരിടും.